Санкт-Петербургра шкул ачисен Пĕтĕм Раççейри экологи олимпиадин юлашки тап- хăрĕ вĕçленнĕ. Вăл кăçалхи ака уйăхĕн 18-23-мĕшĕсенче иртнĕ. Олимпиадăна Раççейри 45 регионтан 216 вĕренекен хутшăннă. Савăнăçлă церемонире вĕсене дипломсем парса чысланă.
Чăваш Енрен 5 вĕренекен тупăшнă. Вĕсенчен пĕри - Тăвайри вăтам шкулăн 11-мĕш класĕнче вĕренекен Екатерина Гурьева. Вăл Пĕтĕм Раççейри тата республикăри экологи олимпиадисен призерĕ, виçĕ çул ĕнтĕ экологи олимпиадин çÿлти шайри ăмăртăвĕсене ăнăçлă хутшăнать. Вăл кăçал та çăмăл мар заданисене ăнăçлă пурнăçласа призлă вырăн йышăннă. Катьăна олимпиадăна Альбина Петровна Михайлова биологи учителĕ хатĕр-ленĕ.