Вĕренекенсен олимпиадисем халь республика шайĕнче иртеççĕ. Тăвайри вăтам шкулта вĕсене лайăх хатĕрленеççĕ.

Вуннăмĕш класри Андрей Турханов унта пурнăç хăрушсăрлăхĕн никĕсĕсем предметпа хутшăннă, призерсен йышне кĕнĕ. Ăна ку олимпиадăна А.А.Пимулин вĕрентекен хатĕрленĕ.

Андрей республикăра 4 предметпа (географи, пурнăç хăрушсăрлăхĕн никĕсĕсем, физика тата математика) хăйĕн пултарулăхне кăтартнă. Иккĕшĕнпе малти вырăнсене йышăннă. Районта вара А.Турханов 10 предметпа хăйĕн пĕлĕвне тĕрĕсленĕ. Виççĕшпе "пурнăç хăрушсăрлăхĕн никĕсĕсем, физика, астрономи" çĕнтерÿçĕ пулса тăнă, ытти предметсемпе "математика, географи, физкультура, обществознани, истори, тĕнчери художествăлла культура, акăлчан чĕлхи" малтанхи виçĕ вырăна йышăннă.

В.ВАСИЛЬЕВ